დაახლოებით კი ვიცოდი მაგრამ ასე ძალიან არა . წარმოიდგინეთ თქვენი ჯიბის ბიუჯეტი, როდესაც რაც შეიძლება მომჭირნედ აპირებთ საყიდლებზე წასვლას მაგალითად მიდიხართ ვაგზლის ან სულაც ლილოს ბაზარზე და ყიდულობთ ბევრად უკეთესი ხარისხის ძალიან გემოვნებიან და ელეგანტურ ტანსაცლმელს. დიახ სულაც არ ვამუქებ, ეს ნამდვილად ასეა, პრაღა დახვეწილი, სადა და ამავდროულად ხარისხიანი საყიდლების ქალაქია.

ნუ გექნებათ ილუზია რომ პრაღის მაღაზიებში მოდის უკანასკნელ სიტყვას ნახავთ. ან ძალიან ავანგარდულად და ექსტრავაგანტულად შეიმოსებით, მაგრამ მათ ვისაც კლასიკური ჩაცმულობა იტაცებს (ანუ ძირითადი დროის გატარება ოფისებში უწევს) თამამად შემიძლია ვურჩიო წავიდნენ პრაღაში და იქაური მაღაზიები დალაშქრონ.

აქ ძირითადად საშუალო დონის საფირმო მაღაზიებს შეხვდებით: ბატა, სელა, ადიდასი, ლევისი, კენველო (მართლა ძალიან მომეწონა ), H&G , ბენეტონი და ა.შ, თუმცა თბილისის იგივე მაღაზიებთან შედარებით ნახევარ ფასებში იყიდება ყველაფერი. .. . .. დაბალი ფასები ალბათ იმითაა განპირობებული რომ მაღაზიები ძირითადად ადგილობრივ მომხმარებლებზე და არა ტურისტებზეა ორიენტირებული (ეს ნამდვილად ასეც უნდა იყოს, პრაღის სტუმრების ძირითადი მასა  დასავლეთ ევროპელი ტურისტები არიან რომელთა  უმრავლესობა ამ მაღაზიებში არც კი იხედება). კენველოში მაგალითად ,მთელი ივლისი 70% იანი ფასდაკლება იყო, და თბილისის ფასებთან შედარებით მართლა კაპიკებში შეგეძლო გეყიდა კაცის  ძალიან სიმპატიური მაიკები. შარშან ზამთარში ბავშვის ზამთრის კურტკაში 200 ლარი გადავიხადე “ვაიკიკიში” ( და მაინც Made in China აწერია ) იგივე კენველოში კი  18 ევროდ  იტალიური წარმოების კურტკა ვუყიდე, თან ბევრად უკეთესი . .ახლა შედარება თავად გააკეთეთ.  . თუმაინცდამაინც  ძვირიანი ბრენდები მოინდომეთ, სტარომესტკასთან ახლოში ყველა მიგასწავლით ერთ მყუდრო ქუჩას, სადაც ძვირადღირებული მაღაზიებია განთავსებული, შანელი, დიორი, ვრანგლერი და რავი კიდე მილიონი მაღაზია, მაგრამ რავიცი რავიცი რავიცი

      ეს ტანსაცმელი,  სამაგიეროდ ძალიან ძვირია ის რაც შეიძლება ტურისტებს დააინტერესოთ, ძვირია პატარა ბრელოკები, შუშის ნაკეთობები, ბროლის ნაწარმი და ოქროულობა. ყოველშემთხვევაში, თუ ძალიან გინდათ იქიდან ჩეხური ვაზებით ხელდამშვენებული დაბრუნდეთ მაშინ სახარჯად 700 და 800 ევრო ნამდვილად არ გეყოფათ. ეს პატარა თაგვი სურათზე რომ ხედავთ ჩეხური ბროლისგანაა ნაწარმოები, დაახლოებით თქვენი ნეკა თითის ტოლია და 50 ევრო ღირს. მიუხედავად იმისა რომ ძოწის და ოქროს ნაწარმი ჩეხეთიდან საქართველოში მოდის და აქ იყიდება, პრაღაში თავად ძვირია, სავარაუდოდ ტურისტული ზონის მოშორებით ძალიან იაფი ეღირება, მაგრამ წასვლა არ გინდა? ხო. კიდე რა მინდოდა მეთქვა, სასმელი, უხვად წამოიღეთ იქიდან, არავინ არ დაგიშლით, ჩაალაგეთ ჩემოდანში, შეფუთეთ რბილად და ძალიან ბევრი ბეჰეროვკა წამოიღეთ, მე აქ ჩამოტანილი გავსინჯე პირველად და ძალიან ვინანე რომ ბევრი არ წამოვიღე, იმიტომ რომ მართლა ძალიან მაგარი რაღაცა .. …

ერთი სიტყვით, წარმატებებს გისურვებთ ზღაპრული საყიდლების ქალაქში და ძალიან მაღლაც რომ არ მომიწიოს ფრენა, ჩემი ახლობლების სიტყვებით დავამთავრებ ამ პოსტს: ლილოს ფასები კიa პრაღაში მარა, მარშუტკა ჯდება ძვირიო …

Be Sociable, Share!

•