მეტროში პრაღაში ჩაფრენისთანავე მოვხვდი, მიუხედავად იმისა, რომ ჩემი კოლეგა აეროპორტში ავტომობილით დამხვდა. ქალაქში როგორც კი შევედით სადღაც კუთხეში მანქანა გააჩერა და მეუბნება ახლა მეტროში უნდა ჩავიდეთო. გამიკვირდა, ასე მითხრა სამსახურშიც მეტროთი დავდივარ, რადგან ქუჩები ყოველთვის გადატვირთულია და მანქანის გაჩერებაც ძალიან ძვირი ღირსო.

მოკლედ ჩავედით მეტროში, შესვლისთანავე კოლეგა ავტომატთან მივიდა და ჩემთვის ბილეთი იყიდა და მითხრა ესკალატორამდე რომ პატარა ყვითელი ყუთია იმაში ჩადე, დაარეგისტრირე და მერე ამოსვლამდე თან იქონიეო.

ცოტა რამ ბილეთების შესახებ, ისინი სხვადასხვა ღირებულებისაა და იმის მიხედვით უნდა შეარჩიო რამდენ სადგურს გაივლი და რამდენ ხაზზე გადაჯდები. ამის გამოთვლა ბილეთების ავტომატებთან გამოკრული დიდი რუკის მეშვეობითაა შესაძლებელი. ბილეთების გარდა არის აბონემენტები, რომლითაც პრაღელების უმრავლესობა სარგებლობს. თვეში ორჯერ მეტროს ადმინისტრაცია რეიდებს აწყობს და ბილეთებს ამოწმებს. ვაიდა არ გექნა ან ზედმეტი გაიარე, კაი დიდი ჯარიმა არ აგცდება.

მიწისქვეშეთში მიმავალი ესკალატორი მოკლე აღმოჩნდა და უცებ ჩავედით სადგურში. სადგური უბრალო და ფერადი, სუფთა და განათებული დამხვდა. მატარებელიც მალე გამოჩნდა, ჩვენებურს გავდა, ოღონდ შეღებილ გასუფთავებული. მერე მითხრეს ”მიტიშინსკის” ქარხნის ვაგონები, აქ სიმენსის ქარხანაში აღადგინესო და თითო ვაგონი 700 ათასი ამერიკული დაჯდაო.

ვაგონი თეთრ და წითელ ფერებშია გადაწყვეტილი, ლამაზია აგე სურათი თუ არ გჯერათ. დისპლეებით და რუკებით აღჭურვილი და კიდევ სასიამოვნო ხმა აცხადებს გაჩერებებს. (მოუსმინე: ი.პ. პავლოვა)

ვაგონი ხმაურობს მაგრამ ისე არა როგორც ჩვენთან. მშვენიერი რბილი სკამები აქვს და შიგნიტ კონდენცირებული ჰაერი შემოდის.

მოკლედ ვაგონიდან გამოსვლის შემდეგ მიწისქვეშა სადგურიდან ამოსასვლელად რამდენიმე გასასვლელია, მათ შორის ლიფტიც. თუმცა ლიფტი ინვალიდებისთვისაა არც ზარმაცები ამბობენ უარს ლიფტით მგზავრობაზე.

და რაც ყველაზე მთავარია მეტროს მატარებლები დადიან გრაფილის მიხედვით. ანუ იცი რომელ საატზე, რომელ წუთსა და რომელ წამზე იქნები პრაღის ამა თუ იმ ადგილზე. 

მეტრო დაყოფილია, წითელ, მწვანე და ყვითელ ხაზებად და თბილისის ზომის ქალაქს (პრაღაში ოფიციალურად 1.2 მილიონი კაცი ცხოვრობს) თითქმის მთლიანად ფარავს. აქვე შეგიძლიათ ნახოთ პრაღის მეტროს რუკა.

მთავარი მავიწყდებოდა, პრაღის მეტროს ერთ ხაზზე, წითელ ხაზზე დადის მატარებლების ახალი ძალიან ლამაზი და კომფორტული შემადგენლობა. ეს არის სიმენსის მატარებლები, რომლებით მგზავრობა ერთი სიამოვნებაა