უკვე ტრადიციის სახე მიიღო თბილისში ყოველი წლის გაზაფხულზე საქართველო-ჩეხეთის ბიზნესფორუმის ჩატარებამ. ჩეხეთის რესპუბლიკის დელეგაცია, რომელსაც სენატის თავმჯდომარე მილან შტეხი ხელმძღვანელობდა, საქართველოს 23-24 აპრილს სტუმრობდა.

საქართველო-ჩეხეთის სავაჭრო-ეკონომიკური ურთიერთობები წლიდან წლამდე იზრდება და ვითარდება. ჩეხეთის რესპუბლიკა ერთ-ერთი მსხვილი ინვესტორია საქართველოს ეკონომიკაში. სწორედ ამ ფაქტს გაუსვა ხაზი საქართველოს პარლამენტის თავმჯდომარემ დავით ბაქრაძემ საქართველო-ჩეხეთის ბიზნესფორუმის გახსნისას.

„ჩეხეთი არის ჩვენი ერთ-ერთი წარმატებული პარტნიორი ეკონომიკაში. შარშან ჩვენ შორის ვაჭრობამ გადააჭარბა 100 მილიონ დოლარს, ხოლო ჩეხეთის ინვესტიციები აჭარბებს 350 მილიონ დოლარს. ამიტომ იმედი მაქვს, რომ ეს ბიზნესფორუმიც იქნება შესაძლებლობა, რომ ვიხილოთ უფრო მეტი ჩეხური ინვესტიცია და უფრო მეტი ქართული ექსპორტი ჩეხეთში.“

​​დავით ბაქრაძის ჩეხმა კოლეგამ, სენატის თავმჯდომარემ მილან შტეხმა კი აღნიშნა, რომ საქართველოსა და ჩეხეთის რესპუბლიკას შორის ამ ეტაპზე განსაკუთრებული მნიშვნელობა ეკონომიკურ თანამშრომლობას ენიჭება.

“მინდა დაგარწმუნოთ, რომ ჩვენი ბიზნესმენები დაინტერესებული არიან არა მხოლოდ საქართველოდან ჩეხეთში ექსპორტით, არამედ პირიქითაც.  ჩვენი ბანკები და სხვა ინსტიტუციები  მზად არიან დაუჭირონ მხარი საქართველოში ინვესტიციებს”,  – განაცხადა ჩეხეთის რესპუბლიკის სენატის თავმჯდომარემ.

ორი ქვეყნის ეკონომიკური თანამშრომლობის მაგალითებად ასახელებენ ჩეხურ ინვესტიციას საქართველოს ენერგეტიკის სფეროში. ასევე არის ეკონომიკის სხვა დარგები, სადაც უკვე შედგა ორი ქვეყნის ბიზნესის თანამშრომლობა. ორ ქვეყანას შორის სავაჭრო-ეკონომიკური ურთიერთობების კიდევ უფრო გაღრმავების პერსპექტივებზე რადიო თავისუფლებასთან ინტერვიუში საუბრობს პრაღაში დაფუძნებული ჩეხეთ-საქართველოს შერეული სავაჭრო პალატის ვიცე-პრეზიდენტი ვაჟა კიკნაველიძე:

„ზოგადად, იყვნენ ჩეხი ბიზნესმენები სხვადასხვა სფეროდან, დაწყებული ტრადიციული ჩეხური საექსპორტო პროდუქციით, როგორიც არის ფაიფური… იყო ადვოკატიც, რომელიც ჩამოსული იყო პარტნიორების მოსაძებნად; სხვადასხვა წარმოება, სხვადასხვა მიმართულებით. უშუალოდ მე მახლდა ერთ-ერთი ყველაზე დიდი ფირმა, რომელიც მუშაობს ტრანსპორტისა და ქალაქის სასიგნალო სისტემებზე. მათ უნდათ აქ წარმოების გახსნა და ქართველ პარტნიორებს ეძებენ. მათ უნდათ აქ აწარმოონ პროდუქცია.“

ვაჟა კიკნაველიძის მიერ ნახსენებ ბიზნესთანამშრომლობის ფორმას განსაკუთრებულ მნიშვნელობას ანიჭებს საქართველოს ხელისუფლება, რომლისთვისაც პრიორიტეტს წარმოადგენს უცხოური ინვესტიციებით ახალი ტექნოლოგიების დანერგვა და სამუშაო ადგილების შექმნა. მსგავსი ინიციატივები შარშანდელ ფორუმზეც გამოითქვა.

კერძოდ, ჩეხურმა კომპანია „ინეკონმა“ თბილისში ტრამვაის ვაგონების ქარხნის შექმნის სურვილი გამოთქვა. თუ ისევ წლევანდელ ბიზნესფორუმს დავუბრუნდებით, კიდევ ერთი წინადადება, რომელიც თბილისში ჩამოსულმა ჩეხმა ბიზნესმენმა გამოთქვა, საქართველოში საერთაშორისო ავტორალის მოწყობაა. მსგავსი ინტერესის მიზეზად საქართველოს გაუმჯობესებული ბიზნესგარემო სახელდება. ამას აღნიშნავს ჩეხეთ-საქართველოს შერეული სავაჭრო პალატის ერთ-ერთი ხელმძღვანელი ვაჟა კიკნაველიძეც:
​​
„ის, რაც ხდება დღეს საქართველოში, ამ 8 წლის განმავლობაში, უფლება მაქვს შევადარო, რადგან 30 წელია ვცხოვრობ უცხოეთში, ფაქტობრივად, ეს არის სასწაული. მე ვხედავ იმ მინუსებსაც, რომელიც არის, მაგრამ ის დადებითი, რაც არის, ეს არის ძალიან დიდი გარღვევა, ძალიან დიდი მიღწევა.“

საინტერესოა ისიც, თუ როგორ იყენებენ ქვეყნის შიგნით გაუმჯობესებულ ბიზნესგარემოს ადგილობრივი მეწარმეები, ანუ რა შეუძლია შესთავაზოს ქართულმა ბიზნესმა ჩეხეთის რესპუბლიკას. ვაჟა კიკნაველიძე ამბობს, რომ ჩეხეთის აქტივობას საქართველო ვერ შეედრება, თუმცა არის პროდუქცია, რომლის საქართველოდან ჩეხეთში ექსპორტირება შეიძლება:

„ეს არის ის, რაც დღეს საქართველოში მარტივი და ცნობილი სერვისია, გადასახდელი აპარატები, რომლებიც დგას მაღაზიებში და ქუჩებში. ძნელი წარმოსადგენია შეიძლება ბევრისთვის, მაგრამ ეს სერვისი პრაქტიკულად არ არის ჩეხეთში, ამის დანერგვა არის დაგეგმილი და ერთ-ერთი დამაარსებელი იქნება ქართული ფირმა. აი ეს არის მაგალითი, როდესაც ძალიან საინტერესო თემა მოდის იქეთ და, მე მგონი, ჩეხეთში ძალიან ბევრს გააოცებს.“

ვაჟა კიკნაველიძის განცხადებით, ნახსენები მაგალითები გაცილებით მეტი იქნებოდა, ქართული ბიზნესი უფრო მეტ ყურადღებას რომ იჩენდეს ქართულ-ჩეხური ბიზნესფორუმის მსვლელობის მიმართ.

კახა მჭედლიძე, რადიო “თავისუფლება”

radiotavisupleba.ge/content/georgia_czech_business_forum/24560485.htmlидея за подарък

იოსებ ივანეს ძე რატილი (ნამდვილი გვარია ნავრატილი) დაიბადა 1840 წლის 27 თებერვალს ჩეხეთში, დობშიცეში.
ქართული ფოლკლორით მოხიბლული ჩეხი მომღერალი თავდავიწყებით ჩაერთო ქართული ეროვნული საგანძურის შეგროვებისა და ნოტებზე გადატანის საქმეში.

მან პირველმა ჩაწერა და დაამუშავა 30–ზე მეტი ქართული ხალხური სიმღერა რითაც გადაარჩინა დაღუპვას, მათ შორის იყო: “დიამბეგო”, “ალილო”, “კახური სუფრული”, “გურული ოდელია” “ცანგალა და გოგონა” და სხვ.
რამოდენიმე წლის შემდეგ რატილი ჩამოაცილეს მის მიერვე დაარსებულ გუნდს, ეს თავადაზნაურების ინტრიგების შედეგად მომხდარა, რადგანაც არ დაუშვიათ იგი ლოტბარად, როგორც არაქართველი. ამ ამბავმა ასახვა ჰპოვა იმდროინდელ ქართულ პრესაშიც…

მან ჩამოაყალიბა და დაარსა პირველი ქართული პროფესიული ანსამბლი “ქართული ხორო”.
1886 წლის 15 ნოემბერს რატილის მიერ დაარსებული ქართული სიმღერის პირველი პროფესიული ანსამბლი “ქართული ხორო”. ქართული თეატრის (ამჟამად გრიბოედოვის სახელობის სახელმწიფო რუსული დრამატული თეატრი) სცენაზე პირველად წარდგა. კონცერტს ილია ჭავჭავაძეც ესწრებოდა, რომელმაც “ქართულ ხოროს” გაზეთ “ივერიაში” ვრცელი რეცენზია მიუძღვნა.

ანსამბლის წევრებს შორის იყვნენ ძმები ივანე და ზაქარია ფალიაშვილებიც. დიმიტრი არაყიშვილმა კი კომპოზიტორობა მას შემდეგ გადაწყვიტა, რაც რატილის ანსამბლის შესრულებით ქართული სიმღერები მოისმინა.
იოსებ რატილი გარდაიცვალა 1912 წლის 17 თებერვალს. დაკრძალულია კუკიის სასაფლაოზე, კათოლიკეთა უბანში. ერის სახელით მირთმეულ გვირგვინზე ეწერა: “ქართველი ერის პატიოსან და მოჭირნახულე მეგობრის იოსებ ივანეს ძე რატილის ხსოვნას”.

რატილის “ქართული ხორო”-ს სამართალმემკვიდრეა დღესმოქმედი სახელოვანი ანსამბლი “ერისიონი”.
ფილმი ჩეხურ ენაზეა, სამწუხაროდ 2005 წელს ფილმის ქართული ვერსია განადგურდა ხანძრის შედეგად, რომელიც კინოსტუდია ქართული ფილმის არქივს გაუჩნდა დიღომში

ჰაველი ჩეხოლოვაკიის ბოლო (1989-1992 წწ.) და ჩეხეთის რესპუბლიკის პირველი პრეზიდენტი იყო (1993-2003).

კომუნისტურ ჩეხოსლოვაკიაში ჰაველი აქტიურად იყო ჩართული პოლიტიკურ საქმიანობაში და დისიდენტური მოძრაობის ერთ-ერთ ლიდერად გვევლინებოდა. ის იყო ადამიანის უფლებათა მანიფესტის, „ქარტია 77“-ის ერთ-ერთი ავტორი და ხელმომწერი – დოკუმენტისა, რომელიც ჩეხოსლოვაკიის ოპოზიციური მოძრაობის წარმმართველ ძალად იქცა. ჰაველი ფილტვის კიბოთი იყო ავად და ბოლო წლებში რამდენიმე ოპერაცია გადაიტანა.

http://www.radiotavisupleba.ge/content/article/24425652.htmlikoni

პრაღაში საქართველოს პრემიერ-მინისტრი ჩეხეთის რესპუბლიკის პრემიერ-მინისტრს პეტრ ნეჩასს (Petr Nečas) შეხვდა.

„ჩეხეთის პრემიერ-მინისტრმა ხაზგასმით აღნიშნა, რომ ნატო-ს მომავალი წლის სამიტზე ჩეხეთი საქართელოს ევროატლანტიკურ სივრცეში ინტეგრაციას მხარს დაუჭერს.

პროდიუსერის ვიზიტის მიზანია შეაფასოს ქართულ კინოინდუსტრიაში არსებული მდგომარეობა და გაუზიაროს კოლეგებს მიღებული გამოცდილება, განსაკუთრებით ქართული კინოინდუსტრიის კონკურენტუნარიანობის ამაღლების კუთხით. პროდიუსერი განიხილავს საქართველოს როგორც სხვადასხვა ფილმების გადასაღებად საინტერესო ადგილს. ვიზიტის ფარგლებში ჩეხი პროდიუსერი შეხვდება კულტურისა და ძეგლთა დაცვის მინისტრს ნიკოლოზ რურუას. შეხვედრები ასევე გაიმართება კინოსტუდია ”ქართული ფილმისა” და სხვადასხვა სტუდიების წარმომადგენლებთან მათ შორის ”სანგუკო” და ”მეტრო”.

მარჰოული მოინახულებს ქ. ბათუმს სადაც დაესწრება ბათუმის მეექვსე საერთაშორისო არტ-ჰაუს კინო ფესტივალს (VI Batumi International Art-House Film Festival (BIAFF)) და შეხვდება ფესტივალის კომიის წევრებს.

წყარო: http://www.investingeorgia.org/свети георги

შესაბამისად 18 ივლისს პრაღის ქუჩებში ტრანსპორტის მუზეუმში დაცული ექსპონატები გამოიყვანეს და ქალაქის ძველი უბნები შემოატარეს.

კოლონის სათავეში იყო 1913 წლის ღია ტიპის ვაგონი. თუმცა მუზეუმში უფრო ძველი ვაგონებიცაა დაცული

ძველ ვაგონებს უკან მოსდევდა ახალი შემადგენლობები: შკოდა 14ტე და შკოდა 15ტე. ეს უკანასკნელი თანამედროვე დიზაინითა და კომფორტით გამოირჩევა.иконииконописikoni

ჩეხეთში თავისუფლების კვირეული აღინიშნება და ვარდისფერი ტანკი ამ კვირეულის სიმბოლოს წარმოადგენს. ძნელი მისახვედრი არ უნდა იყოს, რომ ის უცნეური მოქანდაკის დევიდ ჩერნის შემოქმედებაა. ჩერნის თავის თანამოაზრეებთან ერთად პრაღის “განმანთავისუფლებელი” საბჭოთა ტანკი ვარდისფრად, პროტესტის ნიშნად, ჯერ კიდევ 1989 წელს შეუღებია და ახლაც ამგვარად გამოხატავს საკუთარ და ზოგადად საღად მოაზროვნეთა დამოკიდებულებას “განმანთავისუფლებელი: საბჭოთა–რუსული ტანკების მიმართ.

პავლა პიანოვა, ჩეხური არასამთავრობო ორგანიზაციის „ადამიანი გასაჭირში“ მისიის ხელმძღვანელი, 2005 წლიდან მოღვაწეობს საქართველოში. პავლა ცხოვრობს ქუთაისში, ხშირად დადის დასავლეთ საქართველოს სოფლებში და ეხმარება ქართველ გლეხებს,  კოოპერატივებში გაერთიანდნენ და ამით დოვლათის მოცულობა გაზარდონ.

„მცირე გრანტებია ის გზა, რითაც ჩვენ ქართველ ფერმერებს ვეხმარებით. გრანტების მოცულობა ათასიდან 10 ათას ევრომდეა. ჩვენ ძალიან ექსტენსიური მეთოდოლოგია გვაქვს. პირველი მდგომარეობს იმაში, რომ დავეხმაროთ ყველაზე მცირე ფერმერებს რეგიონის სოფლებში, მეორე ჯგუფში კი შედიან უკვე არსებული ბიზნესები, რომლებსაც ჩვენ ვეხმარებით გაფართოებასა და განვითარებაში.“

ვიდრე გრანტებს მოიპოვებდნენ, გლეხები პროექტში მონაწილეობის სურვილით მიმართავენ ორგანიზაციის ქუთაისის ბიუროს, ავსებენ სპეციალურ ფორმებს და გადიან სპეციალურ ტრენინგებს. თუმცა, როგორც პავლა პიანოვა აღნიშნავს, იოლი არ არის ტრადიციული წვრილი გლეხური მეურნეობის ერთგული  ქართველი გლეხი  კოოპერატივის უპირატესობაში დაარწმუნო:

„ეს ძალიან დიდი პრობლემაა. როდესაც ტრენინგებზე ჩვენ ქართველ გლეხებს ახალ ცოდნას და გამოცდილებას ვუზიარებთ, ძალიან ხშირად ისინი გვპასუხობენ, კი ბატონო, ეს საინტერესოა, მაგრამ ჩვენ მაინც ისე გავაკეთებთ, როგორც ჩვენმა მამა-პაპამ გვასწავლაო. მაგრამ შემდეგ ჩვენ „პრაქტიკული სწავლების“ მეთოდს ვიყენებთ და როდესაც ისინი იმასვე ახალი ტექნოლოგიებით აკეთებენ და ხედავენ შედეგს, ნაბიჯ-ნაბიჯ იყენებენ ამ ცოდნას. ასე რომ, მარტო თეორიული ტრენინგები არ არის საკმარისი. საჭიროა, რომ ეს იყოს ძალიან კონკრეტული და პრაქტიკული ტრენინგი. თანაც, ამას სჭირდება დრო – არა ერთი თვე ან ერთი ტრენინგი, არამედ მინიმუმ ერთი-ორი წელი უნდა იყო საქართველოში ერთ რომელიმე კონკრეტულ მოსახლეობასთან და შედეგი მხოლოდ ამის შემდეგ მოვა.“

ჩეხური არასამთავრობო ორგანიზაციის „ადამიანი გასაჭირში“ დახმარებით, ერთ-ერთი ასეთი კოოპერატივი, „დოვლათი“, 2010 წლის 3 სექტემბერს დაფუძნდა წყალტუბოს რაიონის სოფელ მაღლაკსა და ფარცხანაყანევში, ადგილობრივი მწვანილის, ბოსტნეულის და ხილის შენახვისა და რეალიზების მიზნით. როგორც პავლა პიანოვამ უთხრა რადიო თავისუფლებას, პროექტის ღირებულებამ 70 ათასი ლარი შეადგინა, რომლის 30 %  დამფუძნებლებმა გადაიხადეს, დანარჩენი კი ჩეხურმა არასამთავრობო ორგანიზაციამ. როგორც პავლა პიანოვა ამბობს, კლიმატური პირობებისა და გვალვიანი ზაფხულის მიუხედავად, კოოპერატივმა „დოვლათმა“ სათბურებში მოწეული მწვანილის რეალიზებით 25 ათასი დოლარი მოგება ნახა. ორგანიზაცია „ადამიანი გასაჭირში“ ჩეხეთის მთავრობის დახმარებით მომავალ წელსაც გააგრძელებს კოოპერატიული გაერთიანებების მხარდაჭერას დასავლეთ საქართველოში, სადაც უმუშევრობა, ტრადიციულად, ყველაზე უფრო მაღალია, საქართველოს სხვა რეგიონებთან შედარებით.

„ბოლო 4 წლის განმავლობაში ჩვენ დავეხმარეთ 200-მდე მცირე საწარმოს დასავლეთ საქართველოში. დღესდღეობით ამ მცირე საწარმოების 10-15 პროცენტი დაიხურა, მაგრამ ვინაიდან 160 მცირე საწარმო აგრძელებს მუშაობას, ეს ნამდვილად დიდი შედეგია.“

ახლა იმასაც ვიტყვი, თუ რატომ ვუწოდე პავლა პიანოვას „ცოცხალი ხიდი“ საქართველოსა და ჩეხეთს შორის. საქართველოში ხუთწლიანი მოღვაწეობის განმავლობაში პავლამ საქართველოში, როგორც ამბობს, თავისი ბედი იპოვა. მან და გიორგი კანაშვილმა, კულტურულ ურთიერთობათა ცენტრ „კავკასიური სახლის“ აღმასრულებელმა დირექტორმა, ოჯახი შექმნეს და ბრნოში გამართულ სადღესასწაულო კონფერენციას ესწრებოდნენ იქაურ ჩეხებსა და ქართველებთან ერთად, რომლებიც ორი ქვეყნის დაახლოებას ასევე უწყობენ ხელს. მათ შორის არის ზინაიდა შევჩუკი, ბრნოს მასარიკის უნივერსიტეტის დოქტორანტურის სტუდენტი, რომელიც ამავე უნივერსიტეტში უძღვება კურსს „ეთნიკური კონფლიქტები სამხრეთ კავკასიის ქვეყნებში“:

“ამ კურსში მყავდა 21 სტუდენტი. მოხიბლული  ვიყავი როგორ იცოდნენ ჩვენი რეგიონის პრობლემატიკა, რა მონდომებულები იყვნენ მეტი გაეგოთ და მეტი ესწავლათ. და გარდა იმისა, რაც სილაბუსით ევალებოდათ, დადიოდნენ კონსულტაციებზე და ცდილობდნენ მეტი და მეტი გაეგოთ. სტუდენტები, რომლებიც  საერთაშორისო ურთიერთობების სპეციალობაზე სწავლობენ, მით უმეტეს, იმ კონფლიქტის შემდეგ, რომელიც 2008 წელს მოხდა რუსეთსა და საქართველოს შორის, ნამდვილად  იცნობენ ჩვენს რეგიონს.“

მაგრამ არამხოლოდ მოუგვარებელი კონფლიქტების გამო იცნობენ ჩეხეთში საქართველოს. ბრნოში გამართულ კონფერენციაზე გამოჩნდა, რომ ჩეხეთის საზოგადოება – განსაკუთრებით ახალგაზრდობა  -დაინტერსებულია უფრო მეტად გაიცნოს საქართველო, მისი ისტორია, კულტურა, ტრადიციები, ბუნება და უნიკალური ქართული სამზარეულო, რომლის გაცნობისა და დაგემოვნების შესაძლებლობა იქვე, ბრნოს კულტურის ცენტრში, მისცა სტუმრებს საქართველოს საელჩომ ჩეხეთის რესპუბლიკაში და ქართულმა სათვისტომომ, რომლებმაც, ერთობლივი ძალისხმევით, საკმაოდ სოლიდურად წარმოადგინეს საქართველო მისი დამოუკიდებლობის მე-20 წლისთავის საზეიმო ღონისძიებაზე.
აი, რა განაცხადა რადიო თავისუფლებასთან საუბარში საქართველოს საგანგებო და სრულუფლებიანმა ელჩმა ჩეხეთის რესპუბლიკაში, ნინო ნაკაშიძემ:

„ძალიან ხშირ შემთხვევაში მათი ინფორმაცია არ არის ზუსტი და საქართველო ჰგონიათ სადღაც ცხრა მთას იქით ქვეყანა. როცა ვეუბნებით, რომ ფრენა სამსაათ-ნახევარია, ძალიან უკვირთ. ამიტომ საქართველოს ნახვის მსურველთა რიცხვი – ჩვენი პრეზენტაციების შემდეგ, ქართული საჭმლისა და ღვინის დაგემოვნების შემდეგ  – იზრდება და იზრდება.“

ერთობლივი ძალისხმევით მსგავსი ღონისძიებების უფრო აქტიურად ჩატარების მომხრეა საქართველოს სათვისტომოს ხელმძღვანელი ჯიმი დაბრუნდაშვილი:

„რა თქმა უნდა, ასეთი სახის ღონისძიება, როგორც კი ორი-სამი მცირე ორგანიზაცია მოჰკიდებს ერთმანეთს ხელს და რამეს და რაღაცას წამოიწყებს, ყოველთვის გაკეთდება. სოლო აქციები არაფრის მომტანია. მაგრამ ყოველთვის შეიძლება ყველა ქვეყანაში პარტნიორის მონახვა და სულაც არ ღირს ძვირი. ხომ ხედავთ ეს ძალიან იაფი და ძალიან სასიამოვნო მოვლენაა.“

საქართველოს დამოუკიდებლობის დღისადმი მიძღვნილი კონფერენციის დასრულების შემდეგ ბრნოს კულტურის სახლში მოეწყო ქართული ღვინოების, ტკბილეულობის, სხვადასხვა ნაკეთობებისა და სუვენირების ბაზრობა. შეგროვდა შემოწირულობებიც, მიღებულ თანხას კი ჩეხური არასამთავრობო ორგანიზაცია „ბი-ინტერნაციონალი“ სიღნაღის მზრუნველობას მოკლებულ ბავშვთა სახლს გადაურიცხავს.

ავტორი: კობა ლიკლიკაძე, რადიო თავისუფლება - http://www.radiotavisupleba.ge/content/article/24214887.html

ეს ტრამვაი თავისი თანამედროვე ტექნიკური მახასიათებლების გარდა ყურადღებას იქცევს სუპერთანამედროვე, ზოგის აზრით ფუტურისტული, დიზაინით. იგიი უპრობლემოდ ჩაეწერა პრაღის არქიტექტურაში. შკოდა 15 ტეს უპირატესობა ისიც არის, რომ შედარებით იაფია ფრანგულ თუ გერმანულ ანალოგებთან შედარებით.

икони

СувенириКартиниикони