MyPraha.info - ჩემი პრაღა http://www.mypraha.info Wed, 18 Aug 2010 17:49:46 +0000 en hourly 1 http://wordpress.org/?v=3.0.1 ექსჩეინჯი http://www.mypraha.info/exchange/ http://www.mypraha.info/exchange/#comments Wed, 18 Aug 2010 17:45:53 +0000 Kakha Mchedlidze http://www.mypraha.info/?p=4299 სად გადავცვალო დოლარი და ევრო ჩეხურ კრონაზე?

ამ კითხვას პრაღაში გამგზავრების წინ უამრავი ტურისტი სვამს. ხელსაყრელი კურსით ფულის გადაცვლის გარდა ზევით დასმულ კითხვაზე პასუხი თავიდან აგაცილებთ არასასიამოვნო პრობლემებსაც.

ჩემს ნაცნობებს უამრავი კურიოზი შეემთხვათ პრაღაში ფულის გადაცვლიდსას და ერთხელ მეც ვიზარალე მაცდური სარეკლამო აბრების გამო.

ვალუტის გადამცვლელი უამრავი ჯიხური ოფიციალურ კურსზე საკმაოდ მაღალ კურსს აქვეყნებს, თუმცა სარეკლამო აბრის კუთხეში მცირე ასოებით წერია მომსახურების საკომისიო. რომელიც ხშირად საკმაოდ მაღალია და თუ ასეთ რეკლამას წამოეგებით მაგალითად 100 ევროდან შეიძლება 30 ევროც კი დაკარგოთ.

ყველას გირჩევთ მიაკითხეთ ვაცლავის მოედნის პარალელურ ქუჩაზე, ”პოლიტპატიმრების ქუჩაზე” არაბების ჯიხურებს აქ ოფიციალურზე ოდნავ მაღალი კურსიცაა და თან საკომისიოს არავინ წაგართმევთ. რაც თავი მახსოვს სულ მანდ ვახურდავებ და არასდროს გავწბილებულვარ.

მისამართი: 14 Politických vězňů, Prague, Prague, Česká republika

რუკაზე: http://maps.google.com/?ie=UTF8&ll=50.082298,14.430054&spn=0.001361,0.003433&t=h&z=19


View Larger Map

]]> http://www.mypraha.info/exchange/feed/ 1 უვატმანო ტრამვაი პრაღაში http://www.mypraha.info/tram-vatman/ http://www.mypraha.info/tram-vatman/#comments Thu, 08 Jul 2010 13:41:53 +0000 Kakha Mchedlidze http://www.mypraha.info/?p=4290

უვატმანო ტრამვაი ჩეხი ინჟინრების ახალი აღმოჩენა არ გეგონოთ. პრაღის ტრამვაის ბევრი კურიოზი ახსოვს, მაგრამ ასეთი რამ პირველად მოხდა. 17 ივნისს, პრაღის ტრამვაის ერთერთი დეპოდან, “მოტოლიდან” ტრამვაის ვაგონი მძღოლის გარეშე გამოვიდა და ორი გაჩერება, დაახლოებით 1 კილომეტრი გაიარა. ქუჩა ცარიელი იყო, მაგრამ ამ უცნაურ მოვლენას თვითმხილველები მაინც აღმოაჩნდა. ისინი გაოცებულნი დარჩნენ, რადგან უვატმანოდ მოძრავ ტრამვაის ვატმანი ჯერ ფეხით მისდევდა, ხოლო შემდეგ გამვლელისგან ველოსიპედი ინათხოვრა და ასე დაედევნა ვაგონს. ველოსიპედიდან ვაგონში გადაძრომის ყველა მცდელობა უშედეგოდ დამთავრდა და ტრამვაი დაახლოებით ერთი კილომეტრის შემდეგ ძაბვის შეწყვეტის წყალობით გაჩერდა.
შედეგად მხოლოდ ვატმანი დაზარალდა, რომელიც საავადმყოფოში მცირე ინფარქტის დიაგნოზით გადაიყვანეს. მას ადმინისტრაციული სასჯელიც ემუქრება. ტრამვაის უვატმანოდ გასეირნება სწორედ მისი დამსახურებაა. ვატმანმა რომელიც სულ რამდენიმე თვეა რაც პრაღის სატრანსპორტო გაერთიანების თანამშრომელი გახდა, ტრამვაის მართვისას შეცდომა დაუშვა. კერძოდ ვაგონი დეპოში იმ ადგილზე დააყენა სადაც ძაბვა არ მიეწოდება. კოლეგები ეცადნენ მისთვის აეხსნათ თუ რა უნდა გაეკეთებია და თან ვაგონს მიაწვნენ, მაგრამ დაბნეული ახალბედა ვაგონიდან ჩავიდა და ტრამვაი მიატოვა. სწორედ ამ დროს ვაგონი ძაბვის ქვეშ მოეცა, ადგილიდან დაიძრა, დეპოს ჭიშკარი გაარღვია და პლზენსკას ქუჩაზე დაეშვა.
]]> http://www.mypraha.info/tram-vatman/feed/ 2 რუსეთსა და ამერიკას შორის http://www.mypraha.info/usa-czech-russia/ http://www.mypraha.info/usa-czech-russia/#comments Thu, 08 Apr 2010 19:15:17 +0000 Lord Vader http://www.mypraha.info/?p=4279 ჩეხები ამერიკელებს უფრო დაუახლოვდნენ, თუმცა, ვერც რუსებისგან დაუღწევიათ თავი.

Rusko, nebo USA? Češi se cítí být součástí západu, ale vlivu východu neuniknou

ინტერნეტ-გამოცემა iHNed, 2010 წლის 7 აპრილი

ეს ანეკდოტი თუ გსმენიათ: რუსი, ამერიკელი და ჩეხი თვითმფრინავში სხედან. მათთან სტიუარდესა მიდის და ეკითხება:

- თქვენ სამნი ისევ აქ ხართ?

ამერიკელები დამოუკიდებელი ჩეხოსლოვაკიის სათავეებთან იდგნენ – დამოუკიდებლობის იდეასაც მათ დავესესხეთ. რუსებმა ჩეხოსლოვაკიის დიდი ნაწილი ნაცისტებისგან გაათავისუფლეს… გაათავისუფლეს და ადგილობრივი კომუნისტების დახმარებითა და, შემდეგ, საოკუპაციო ჯარის მეშვეობით 40 წელი მართავდნენ.

((თომაშ მასარიკმა ჩეხოსლოვაკიის დამოუკიდებელი სახელმწიფოს დაფუძნება 1918 წლის 18 ოქტომბერს, ვაშინგტონში გამოაცხადა. ამერიკის შეერთებული შტატების პრეზიდენტმა ვუდრო ვილსონმა პირველმა ცნო ჩეხოსლოვაკიის დამოუკიდებლობა და  ავსტრია-უნგრეთს ახალი ევროპული სახელმწიფოს აღიარება მოთხოვა – LV, “თომაშ მასარიკი”))

ჩეხები, ერთი შეხედვით, მონათესავე სლავ რუსებთან მეტ ახლობლობას უნდა გრძნობდნენ, მაგრამ პრაგმატულად ამერიკელებისკენ უფრო ისწრაფვიან. პატარა ერის ორ ბუმბერაზ ერთან (რომლებიც ერთმანეთს გვანან, თუნდაც, იმპერიული ძლევამოსილებით) შედარება, ალბათ, სასაცილოდ მოგეჩვენებათ, მაგრამ, მოდი მაინც შევეცადოთ.

ამერიკელები ყველას შენობით მიმართავენ. რუსებს თქვენობითი ფორმა ურჩევნიათ და მამის სახელსაც იშველიებენ, რაც ჩეხური “ბატონო”-ს (pan/pani) მსგავსია. ჩეხები, მეტწილად, თქვენობით ფორმას იყენებენ, მაგრამ ბოლო დროს შენობით მიმართვაც სულ უფრო მეტად ჩვეულებრივი ხდება.

ამერიკელები ჰოკეის თამაშობენ. რუსები ჰოკეის თამაშობენ. ჩეხებიც თამაშობენ ჰოკეის, თუმცა, ეს ბოლო ხანებია – არცთუ რიგიანად.

((ისე, ჩვენში დარჩეს და, ვეღარც რუსები წყვეტენ ვარსკვლავებს – LV))

თუ კარიერას და სამუსაოს წაადგება, ამერიკელები დაუფიქრებლად იცვლიან ადგილს, ქალაქს, მხარეს თუ ქვეყანას. რუსები ამას ვერ ეგუებიან – სოციალიზმის დროს ასეთი რამ საერთოდაც აკრძალული იყო. ჩეხებიც ამჯობინებენ ერთ ადგილას დამაგრდნენ, თუმცა, ხშირად ეს სიზარმაცის ბრალია და კიდევ იმის, რომ ჩვეული კომფორტი არ ეთმობათ.

ამერიკელები ერთ-ერთი ყველაზე მორწმუნე ერია მსოფლიოში. რელიგია ბევრი მათგანის ცხოვრების ნაწილია, ეკლესიაში სიარული – ჩვეული რიტუალი. ათეისტი ამერიკაში ლამის საზოგადოებისგანაა გარიყული. რუსებმა ეს-ესაა ხელახლა აღმოაჩინეს მათი მართლმადიდებლური ფესვები. ახლა ცდილობენ გაერკვნენ, სად აღმოჩნდნენ 100 წლის შემდეგ – რელიგია მათთვის საკუთარი რაობის ხელახლად განსაზღვრის გზაა. ჩეხები ეკლესიას ლამაზი პეიზაჟის ნაწილად უფრო აღიქვამენ, სადაც წელიწადში ერთხელ ოჯახთან ერთად საშობაოდ უნდა შეიარო ხოლმე. კათოლიკურ-პროტესტანტულ ბობოქარ წარსულს ჩეხების აწმყოზე ნაკლები გავლენა აქვს.

პირადი წარმატება ამერიკელთათვის ყველაზე მთავარია, ამასთან, ამერიკელებს წარმატების აწყვა უყვართ – ფულით, ნაყოფით ან საზოგადოებისთვის მოტანილი სიკეთით. რუსებისთვის მთავარი სტატუსია, ისეთი სტატუსი, რომლის საჯაროდ დემონსტრირებაა შესაძლებელი – მაგალითად, ბოლო მოდელის მდიდრული ავტომობილი. რუსები ეტრფიან სახელისუფლო სტატუსსაც. შეიძლება, არცთუ მდიდარი იყო, მაგრამ ძალაუფლება გქონდეს – სწორედ ამიტომაა, რომ რუსეთის მილიცია ახალწვეულთ ვერ აუდის. ჩეხები წარმატებულ ხალხს, ერთგვარად, ეჭვის თვალით უყურებენ, თუმცა, ამერიკელთა მსგავსად, მათთვისაც, პირველ ყოვლისა, პირადი მიღწევები ფასობს.

ჩეხებს და რუსებს სლავური ფატალიზმი გამოარჩევთ. სოციოლოგიური გამოკვლევებიდან აქტიურ, წარმატებაზე მომართულ ამერიკელებსა და ბედს მინდობილ ჩეხებსა და რუსებს ვხედავთ. Reuters-ის და Ipsos-ის გამოკვლევების თანახმად, ამერიკელთა 44 პროცენტი დარწმუნებულია უკეთეს მომავალში, მაშინ როდესაც რუსებსა და ჩეხებს შორის ოპტიმისტები მხოლოდ 29 და 25 პროცენტია.

მაგრამ თავისუფლების წყურვილი და ისტორიული იდეალიზმი ჩეხებს ამერიკელებთან აახლოებს. ამერიკელებმა თავიანთი იდეალებითა და თავისუფლების რწმენით დიდი წვლილი შეიტანეს დამოუკიდებელი ჩეხოსლოვაკიის დაფუძნებაში. 1989 წლის შემდეგაც ინგლისური ენის უამრავი ახალგაზრდა ამერიკელი პედაგოგი ჩამოვიდა ჩეხეთში და ჩეხ ახალგაზრდებს მრავალი კარი გაუღო მათ ქვეყანაშიც და მის გარეთაც.

“კულტურულ-ცივილიზაციური საფუძველი ჩვენ ამერიკელებთან გვაკავშირებს, მწარე გამოცდილება კი – რუსებთან”, – ამბობს ლიუბოშ დობროვსკი, რომელიც რუსებთან ერთად სკოლაში სწავლობდა და რუსეთში ელჩადაც მსახურობდა, ხოლო თავდაცვის მინისტრად ყოფნისას, ჩეხეთის არმია ამერიკულ რელსებზე გადაიყვანა და დასძენს, – “თუმცა, თუ პრეზიდენტმა ობამამ პოლიტიკა არ შეცვალა, მწარე გამოცდილებას ამერიკელებთანაც გავიზიარებთ”.

კულტურა:

ჩეხური თეატრი უფრო რუსების გავლენის ქვეშაა. მიუხედავად იმისა, რომ ჯერ კიდევ 60-იანებიდან ჩეხურ სცენაზე იდგმება არტურ მილერისა და ტენესი უილიამსის პიესები, ჩეხურ თეატრში რუსული კლასიკური პიესები უფრო ხშირია, რა თქმა უნდა, ანტონ ჩეხოვის თამადობით.

ჩეხური ტელევიზიისთვის “მოროზკო” და “აბა დამაცადე” ძველებურადვე ჰიტია, თუმცა კინოეკრანები უკვე ჰოლივუდს აქვს დაპყრობილი.

1989 წლიდან დაწყებული ჩეხური გამომცემლობები ამერიკულ და დასავლურ ავტორებს დაეწაფნენ. დღესაც ახალგაზრდა ამერიკელი ავტორი უფრო იოლად პოულობს გზას ჩეხი მთარგმნელისა და გამომცემლისკენ, თუმცა, გამომცემლობები რუს კლასიკოსებსაც – ტოლსტოის, დოსტოევსკის, ბუნინსა და ბულგაკოვს არ ივიწყებენ და ხელახლა უბრუნდებიან.

სპორტი:

ჩეხეთის სტადიონებზე ფეხბურთში რუსები ამერიკელებს პირწმინდად ამარცხებენ – ჩეხურ გუნდებში რუსი ფეხბურთელების რიცხვი ამერიკელებს 100%-ით სჭარბობს, ანუ – ერთია. ალექსანდრ პრუდნიკოვი “სპარტადან”. არც ერთ ამერიკელ ფეხბურთელს ჩეხეთში ფეხბურთი არ უთამაშია, თუმცა, კაცმა რომ თქვას, “სოკერი” ოკეანეს გაღმა არცაა პოპულარული.

გადატრიალების შემდეგ ჩეხურ გუნდებში ორი ამერიკელი ჰოკეისტი გამოჩნდა – პოპილი და ვეისი, თუმცა მათ რუსებიც მოყვნენ და რევოლუციის შემდეგ ჩეხეთის ლიგაში 50-მდე რუსი ჰოკეისტი თამაშობდა. ამჟამად ორნი დარჩნენ, სამაგიეროდ, ამერიკელების რიცხვმა იმატა – ამჟამად ისინი შვიდნი არიან. თავის მხრივ, ჩეხების დიდი ნაწილი NHL-ში თამაშობს, თუმცა, ბევრი მათგანი რუსულ КХЛ-შიცაა, მათ შორის – იარომირ იაგრი.

ჩეხურ კალათბურთში ამერიკელები დომინირებენ. უმაღლესი ლიგის 12 გუნდიდან მხოლოდ ორი გადის ფონს ამერიკელ მოთამაშეთა გარეშე. რუსების რიცხვი საგრძნობლად ნაკლებია.

განათლება:

ჩეხეთში 688 სკოლის მოწაფე და 2’256 უმაღლესი სასწავლებლის სტუდენტია რუსეთიდან. მათ ჩეხეთი ევროპული დიპლომებით ხიბლავს. ამერიკელი 43 სკოლის მოწაფე და 189 სტუდენტი ამერიკული სასწავლებლების ჩეხურ ფილიალებში სწავლას ამჯობინებს.

26’688 ჩეხი სკოლის მოწაფე რუსულ ენას ეუფლება. ინგლისურ ენას ბევრად მეტი – 436’720 სწავლობს.

***

თარგმანი – ჩემია, მაგრამ რუსულიდან და ოდნავ შემოკლებული – LV

დიადი რუსი ჯუჯა

]]> http://www.mypraha.info/usa-czech-russia/feed/ 2 პრაღის შემოგარენი – კონოპიშტე და კარლშტაინი http://www.mypraha.info/%e1%83%99%e1%83%90%e1%83%a0%e1%83%9a%e1%83%a8%e1%83%a2%e1%83%90%e1%83%98%e1%83%9c%e1%83%98-%e1%83%99%e1%83%9d%e1%83%9c%e1%83%9d%e1%83%9e%e1%83%98%e1%83%a8%e1%83%a2%e1%83%94/ http://www.mypraha.info/%e1%83%99%e1%83%90%e1%83%a0%e1%83%9a%e1%83%a8%e1%83%a2%e1%83%90%e1%83%98%e1%83%9c%e1%83%98-%e1%83%99%e1%83%9d%e1%83%9c%e1%83%9d%e1%83%9e%e1%83%98%e1%83%a8%e1%83%a2%e1%83%94/#comments Fri, 19 Feb 2010 17:26:30 +0000 Kakha Mchedlidze http://www.mypraha.info/?p=4264
კონოპიშტე. სასახლე სავსეა იარაღითა და ნანადირევის ფიტულებით, რქებითა და ეშვებით. ნადირობის ჟინით შეპყრობილმა სასახლის პატორონმა პრინცმა ფრანც ფერდინანდმა, ვიდრე სარაევოში ტერიტორისტის ტყვია დაეწეოდა, 30 თასამდე სულიერის დახოცვა მოასწრო…

კონოპიშტე პატარა ქალაქ ბენეშოვის მახლობლად მდებარეობს. სწორედ ამ სასახლისა და მისი მფლობელის შესახებ საუბრით იწყებს იაროსლავ ჰაშეკი შვეიკის თავგადასავალს: მოკლესო, ესე იგი, ჩვენი ფერდინანდიო, ამბობს მოსამსახურე ქალი. რომელი ფერდინანდიო, კითხულობს შვეიკი, ერცჰერცოგი ფერდინადი, ბატონო, ის, რომელიც კონოპიშტეში ცხოვრობდა, მსუქანიც რო იყო და ღვთისმოშიშიცო…

სიმსუქნისა და ღვთისმოსაობის გარდა ფრანც ფერდინანდს სხვა უცნაურობებიც სჭირდა. ჯერ იყო და არამეფური გვარის ჩეხ დიდგვაროვან ქალზე იქორწინა, მერე კი მომავალი მონარქისათვის შეუფერებელი ლიბერალური პოზიცია დაიკავა იმპერიაში შემავალი ერების თვითგამორკვევის უფლებასთან მიმართებაში… მართალია, ფრანც ფერდინანდმა სიცოცხლეში ვერ მოასწრო სამყაროს შეცვლა, მაგრამ მსოფლიოსთვის საბედისწერო აღმოჩნდა მისი სიკვდილი. 1914 წელს სერბი ტერორისტის გასროლას, რამდენიმე წუთის ინტერვალით, ჯერ ფრანც ფერდინადის ფეხმძიმე მეუღლე, შემდეგ თავად ერცჰერცოგი და ბოლოს მსოფლიო წესრიგი ემსხვერალა…

კონოპიშტე 13-14 საუკუნეებში, ფრანგული არქიტექტურის მიბაძვითაა აშენებული. მიგვიანებით კი, არაერთხელ განხორციელებული რეკონსტრუქციის შედეგად, რენესანსისა და ბაროკოს სტილის ელემენტებიც შეემატა. 1921 წლიდან კონოპიშტე სახელმწიფოს საკუთრებაა, არა და, თავის დროზე ფრანც ფერდინანდმა მასში 2 მილიონი ოქრო გადაიხადა …

ამ ავინიდან მეორე მსოფლიო ომის დროს გერმანელი ოფიცრები იყურებოდნენ. კონოპიშტეში გესტაპოს (Geheime Staatspolizei) სახელით ცნობილმა სახელმწიფო პოლიტიკური პოლიციის სამმართველომ დაიდო ბინა.

კონოპიშტე პრაღიდან სამხრეთ-აღმოსავლეთით, 50 კილიმეტრში მდებერობს. დაახლოებით ამდენივე მანძილია (ოღონდ სამხრეთ-დასავლეთის მიმართულებით) კარლშტაინამდე – გოთიკურ ციხემდე, რომელიც კარლოს მეოთხემ 14-ე საუკუნეში ააგო და, სადაც დიდი ხნის განმავლობაში იმპერატორის რეგალიები და წმინდა რელიკვიები ინახებოდა.

კარლოსმა ხიდისა და უნივერსიტეტის გარდა ციხე-ქალაქიც დაუტოვა ჩეხებს

კარლშტაინი მდინარე ბეროუნკას ლამაზ ხეობაში კლდეზეა აშენებული. ჩეხები ამ კლდეს „დრაკონის კლდეს“ უძახიან. კლდის ქიმზე, როგორც უკვე ვთქვი, კარლშტაინია, ძირში კი – რა მიხვედრა უნდა – რესტორანი :)

ციხეც და რესტორანიც იოლად დავლაშქრეთ. კლდის სიმაღლე 100-მდე მეტრი თუ იქნება და ბილიკით მის დაძლევას, სულ რაღაც 15-20 წუთიც არ უნდა, რესტორანში კი პრაღასთან შედარებით სასაცილო ფასებია.

გაოცებას იწვევს ამ პატარა და მყუდრო რესტორნის მენიუს მრავალფეროვნება. კაცი იფიქრებს რესტორანს გარეული ფრინველისა და ცხოველების (ირმის, ტახისა და შვლის) ხორცით თვით ნადირობაზე შეშლილი ფრანც ფერდინანდი ამარაგებსო. საერთოდაც, რესტორნის მყუდრო დარბაზი გაჟღენთილია ნადირობის ჟინითა თუ სულისკვეთებით: ბუხარში გიზგიზებს ცეცხლი, კედლები კი ნანადირევის რქებითა და სხვადასხვა სახის იარაღითაა დაფარული…

ავტორი: ჯიმშერ რეხვიაშვილი

]]> http://www.mypraha.info/%e1%83%99%e1%83%90%e1%83%a0%e1%83%9a%e1%83%a8%e1%83%a2%e1%83%90%e1%83%98%e1%83%9c%e1%83%98-%e1%83%99%e1%83%9d%e1%83%9c%e1%83%9d%e1%83%9e%e1%83%98%e1%83%a8%e1%83%a2%e1%83%94/feed/ 0 სექს მანქანების მუზეუმი http://www.mypraha.info/%e1%83%a1%e1%83%94%e1%83%a5%e1%83%a1-%e1%83%9b%e1%83%90%e1%83%9c%e1%83%a5%e1%83%90%e1%83%9c%e1%83%94%e1%83%91%e1%83%98%e1%83%a1-%e1%83%9b%e1%83%a3%e1%83%96%e1%83%94%e1%83%a3%e1%83%9b%e1%83%98/ http://www.mypraha.info/%e1%83%a1%e1%83%94%e1%83%a5%e1%83%a1-%e1%83%9b%e1%83%90%e1%83%9c%e1%83%a5%e1%83%90%e1%83%9c%e1%83%94%e1%83%91%e1%83%98%e1%83%a1-%e1%83%9b%e1%83%a3%e1%83%96%e1%83%94%e1%83%a3%e1%83%9b%e1%83%98/#comments Sun, 14 Feb 2010 12:37:19 +0000 Kakha Mchedlidze http://www.mypraha.info/?p=4257

”რუსთავი 2”-ის გადაცემა ”კურიერ PS”-ის სიუჟეტი

]]> http://www.mypraha.info/%e1%83%a1%e1%83%94%e1%83%a5%e1%83%a1-%e1%83%9b%e1%83%90%e1%83%9c%e1%83%a5%e1%83%90%e1%83%9c%e1%83%94%e1%83%91%e1%83%98%e1%83%a1-%e1%83%9b%e1%83%a3%e1%83%96%e1%83%94%e1%83%a3%e1%83%9b%e1%83%98/feed/ 0 ბჟევნოვის მონასტერი – არა მხოლოდ სულიერი საზრდოსთვის http://www.mypraha.info/%e1%83%91%e1%83%9f%e1%83%94%e1%83%95%e1%83%9c%e1%83%9d%e1%83%95%e1%83%98%e1%83%a1-%e1%83%9b%e1%83%9d%e1%83%9c%e1%83%90%e1%83%a1%e1%83%a2%e1%83%94%e1%83%a0%e1%83%98/ http://www.mypraha.info/%e1%83%91%e1%83%9f%e1%83%94%e1%83%95%e1%83%9c%e1%83%9d%e1%83%95%e1%83%98%e1%83%a1-%e1%83%9b%e1%83%9d%e1%83%9c%e1%83%90%e1%83%a1%e1%83%a2%e1%83%94%e1%83%a0%e1%83%98/#comments Sun, 24 Jan 2010 13:36:19 +0000 Kakha Mchedlidze http://www.mypraha.info/?p=4233 маси
ბჟევნოვის მონასტერი – პრაღის სულიერი და მატერიალური კულტურის მოქმედი ძეგლი

ბენედიქტელთა ორდენისათვის უცხო არასოდეს ყოფილა ინტელექტუალური და ფიზიკური შრომა, ვაჭრობა, საავადმყოფოებისა და სასტუმროების გამართვა, – ყველაფერი ეს შენარჩუნებულია 21-ე საუკუნეშიც, თუმცა დროების შესაბამისად მნიშვნელოვნადაა გაზრდილი კომერციული შემადგენელი.

ორდენის მთავარი დევიზის – ORA ET LABORA-ს (“ილოცე და იშრომე”)-ს ზედმიწევნით დამცველი წმინდა ძმები ბჟევნოვის მონასტერში მისულ სტუმრებს სულიერის გარდა, საკუთარი შრომით შექმნილ მატერიალურ საზრდოსაც სთავაზობენ.

ბჟევნოვის მონასტრში მამაო ჩვენო შეიძლება არ წარმოოთქვა, მაგრამ „პური არსობისა“ მაინც აუცილებლად მოგეცემა. პურს, რომელშიც სოკოსა და ნაღების წვნიანი ასხია, იქვე მონასტერში აცხობენ. ქერქი გაჟღენთიალია რძისფერი, ბლანტი სითხით და ერთდროულად ჭურჭლის როლსაც ასრულებს და კერძის ნაწილისაც.

პურის გამოცხობისა არ იყოს, ასევე ბენედიქტელი ბერები ხარშავენ ორი სახეობის, ღია და მუქი ფერის საფირმო ლუდ „კლაშტერს“, რომელიც, როგორც წესი, 11%-ია და ერთი კათხა 30 კრონამდე (დაახლოებით 1,5 $) ღირს, რაც ლუდის ხარისხის გათვალისწინებით, ძვირი სულაც არაა.

ცნობილი ამბავია, რომ კერძებთან ერთად ტურისტი მადიანად შეექცევა მასპინძელი ქვეყნის კულტურასა და ისტორიას, დადებით ემოციასთან ერთად იღებს ცოდნას, რაც კვების სასიამოვნო პროცესს უფრო მეტად აზრიანსა და სასარგებლოს ხდის.

შესაბამისად, მარკეტინგის თვალსაზრისით, რესტორანი, რომლის საქმიანობა (ანდა სულაც კერძების დასახელება) რამენაირად გადახლართულია ქვეყნის სულიერ თუ მატერიალურ კულტურასთან, კონკურენტებთან შედარებით მომგებიან პირობებში იმყოფება. ისტორია (ამბავი) ხომ სწორედ ის საკმაზია, რომელიც ნებისმიერ კერძს გამოარჩევს სხვებისგან. აბა, სად სუპერმარკეტში ნაყიდი და სად IX საუკუნეში აშენებული მონასტრის ღუმელში, ბენედიქტელი ბერების მიერ გამოცხობილი პური? თანაც, ტურისტი რა ტურისტია, თუ შთაბეჭდილებებს არ აგროვებს და ამ შთაბეჭდილებებს მოგვიანებით არავის უზიარებს? პირველ ამბავში მოსაყოლი არაფერია, მეორეში კი – იცოცხლე!..

ძირითად კერძებში ხორცეული სჭარბობს. ერთგვარ საფრმო კერძად ითვლება Kopí sv. Jiří pečený ანუ წმინდა გიორგის (ჩეხებისთვის ირჟის) მახვილზე შემწვარი სხვადასხვა სახის ხორცი და ბოსტნეული, უგემრიელესი კერძი, რომლის გემო თუნდაც იმის გამო არ დაგავიწყდებათ, რომ შამფურად ძლევამოსილი წმინდანის შუბის წვერია გამოყენებული…

საფირმო კერძად ითვლება Návrat sestry Aquinely-ც , ანუ „და აკვინელას დაბრუნება“. ესაა ორაგული ჩილით, ქუნჯუტის (sesamum indikum) მარცვლებითა და სალათის ფურცლებით. კერძი, რომელიც „სეზამ გაიღეს“ დაძახების გარეშეც ახდენს სასწაულებს.

„და აკვინელა“ მენიუდან ორიოდე წლის წინ ამოიღეს და ეს ამბავი, სავარაუდოდ, უკავშირდება მონაზონ აკვინელას (ლუდმილა ლოსკოტოვას, ერთგვარ ჩეხ დედა ტერეზას) გარდაცვალებას, თუმცა იმის გამო, რომ რესტორნის სტუმრებმა კერძი ვერაფრით დაივიწყეს, მოწყალე ბერებმა, მცირე ყოყმანის შემდეგ, „აკვინელა“ კვლავ დააბრუნეს მენიუში, ოღონდ ოდნავ შეცვლილი სახელწოდებით: „და აკვინელა“ და „და აკვინელას დაბრუნება“ ერთი კერძის ორი სახელია.

ძალიან გემრიელია ღორის ორიგინალურად დაბასტურმებული და შემწვარი ნეკნები, რომელსაც ხის დაფაზე დახვავებულს მოგართმევენ, თუმცა არაფერი შეედრება ღორის უზარმაზარ (1 კგ-იან) კანჭს, რომელიც, თუ გარგანტუასი არაფერი გცხიათ, კისერს მოგატეხინებთ. ღუმელში შემწვარი კანჭის ოქროსფერი კანი თხელი, კვრიხინა და წვნიანია, სიღრმეში კი ხორცი იმდენად კარგადაა შემწვარ-ჩათუთქული, რომ მნიშვნელოვანი ძალისხმევის გარეშე სცილდება ძვალს. კანჭს თან ახლავს რამდენიმე (მათ შორის პირშუშხას) საწაბელი და ერთგვარი გარნირი, რომელშიც მწნილეულის ასორტი სჭარბობს.

დიდებული კანჭი!


დიდების ნაშთიღა

დესერტად უნდა მოითხოვოთ კენკრის თბილ სოუსში მოცურავე ვანილის ნაყინის ორი მოზრდილი გუნდა. ესაა ცივისა და ცხელის, ერთმანეთისადმი მტრულად განწყობილი ელემენტების მრავალსაუკუნოვანი ბრძოლის ყველაზე მშვენიერი დასასრული, რომელსაც თან ახლავს ემოციების ფოიერვერკი: აღფრთოვანება, ნეტარება, გაოცება, სიხარული… – მოკლედ, ყველაფერი, იმედგაცრუების გარდა! თუმცა სულ ბოლოს, როცა დესერტიც ილევა და მოსმული კოვზი თეფშის ფსკერზე თეთრ ნაკაწრებს ტოვებს, ამჩნევთ, როგორ თანდათანობით კარგავს სამყარო მრავალფეროვნებას, როგორ ცვლის ხმაურიან მეჯლისს სადაგი დღე, ვნებას – გულგრილობა… საოცრად დაღლილი და კმაყოფილი ხართ, ყველა სურვილი მიძინებულია ერთის გარდა: გინდა გულწრფელი მადლობა გადაუხადო ბენედიქტელ ბერებს – ადამიანებს, რომლებიც არ ჰკარგავენ არც რწმენას, არც ტრადიციას და ღვთის სადიდებლად და ადამიანის გასახარად 21-ე საუკუნეშიც შრომობენ და ლოცულობენ…


მონასტრის წინამძღვარი და მე: სტუმარ-მასპინძლობა ყოველგვარი გართულების გარეშე

ავტორი: ჯიმშერ რეხვიაშვილი

]]> http://www.mypraha.info/%e1%83%91%e1%83%9f%e1%83%94%e1%83%95%e1%83%9c%e1%83%9d%e1%83%95%e1%83%98%e1%83%a1-%e1%83%9b%e1%83%9d%e1%83%9c%e1%83%90%e1%83%a1%e1%83%a2%e1%83%94%e1%83%a0%e1%83%98/feed/ 2 პრაღის ძაღლური ცხოვრება http://www.mypraha.info/%e1%83%9e%e1%83%a0%e1%83%90%e1%83%a6%e1%83%98%e1%83%a1-%e1%83%ab%e1%83%90%e1%83%a6%e1%83%9a%e1%83%a3%e1%83%a0%e1%83%98-%e1%83%aa%e1%83%ae%e1%83%9d%e1%83%95%e1%83%a0%e1%83%94%e1%83%91%e1%83%90/ http://www.mypraha.info/%e1%83%9e%e1%83%a0%e1%83%90%e1%83%a6%e1%83%98%e1%83%a1-%e1%83%ab%e1%83%90%e1%83%a6%e1%83%9a%e1%83%a3%e1%83%a0%e1%83%98-%e1%83%aa%e1%83%ae%e1%83%9d%e1%83%95%e1%83%a0%e1%83%94%e1%83%91%e1%83%90/#comments Sat, 16 Jan 2010 10:56:57 +0000 Kakha Mchedlidze http://www.mypraha.info/?p=4223 არ დაეძებენ ამინდს მზიანს და
არ დაეძებენ ამინდს წვიმიანს,
ასეირნებენ ძაღლებს ჩეხები,
სიკვდილის კართან ერთად მიდიან.
ხან ძაღლი კოჭლობს, ხანაც – პატრონი,
ვინ ვის გაასწრებს ფუჭი ფიქრია.
ლაბადის მსგავსი აცვია ნაგაზს,
ნაქსოვი ჩაჩი ხურავს ფინიას.
Pánbůh-ი ცოტას კიდევ მოიცდის
უნდა აწმინდონ რაც ძაღლს უქნია!

ეკლესიასტე გვასწავლის, ცოცხალი ძაღლი სჯობს მკვდარ ლომსო. პრაღელებმა, როგორც ჩანს, ძველი აღთქმის ეს სიბრძნე კიდევ უფრო გააღრმავეს: ქალაქის ქუჩებში იმდენი ძაღლი დადის, რომ აშკარაა, აქ ცოცხალი ძაღლი ცოცხალ ლომსაც ურჩევნიათ!

შვეიკმა იცოდა ძაღლის ფასი - ძვირად ჰყიდდა!ალბათ, გახსოვთ, რას საქმიანობდა ყოჩაღი ჯარისკაცი შვეიკი მას შემდეგ, რაც სამედიცინო კომისიამ იდიოტად ცნო და სამხედრო სამსახურიდან დაითხოვა. რასაკვირველია, ძაღლებით ვაჭრობდა! მუშტარი არ აკლდა, შესაბამისად, ზოგიერთს წმინდა სისხლისას სთავაზობდა, ზოგიერთს კი იმას… ქუჩიდან…

ჰაშეკის დროს შესაძლოა მართლაც იყვნენ ქუჩის, მაწანწალა ძაღლები, მაგრამ დღეს პრაღის ქუჩებში სულ სხვა ვითარებაა. ქალაქი სავსეა მოვლილი და ჩაცმული ძაღლებით, რომლებიც ადამიანებთან ერთად მიაბიჯებენ და, თუ ფსიქოლოგებს დავუჯერებთ, ბევრს სიცოცხლესაც უხანგრძლივებენ.

ერთმანეთზე ზრუნვაშიპრაღელებისთვის ბევრი ძაღლი, ბევრი დადებითი ემოციაა, რომლის დამალვასაც არავინ ცდილობს. საოცარი ფერიცვალების მოწმე გახდებით, როცა ტრანსპორტში ან სადმე დახურულ სივრცეში პრაღელი ოთხფეხა მეგობართან ერთად შეაბიჯებს. ერთი შეხედვით ცივი ჩეხები ღიმილად იღვრებიან და იბმება გულითადი საუბარი ძაღლის პატრონთან…

…მაგრამ, როგორც იტყვიან, Rien n`est parfait . ძაღლისა და ადამიანის ამ იდილიურ ურთიერთობასაც აქვს ხინჯი. პრაღის ლამაზი და მყუდრო ქუჩები სავსეა ამ საყვარელი არსებების ექსკრემენტებით… დასდევენ პრაღელები ოთხფეხა მეგობრებს ქაღალდის მუქთა პაკეტებით, მაგარამ ვერ აუდიან. სიფრთხილე მართებთ ორი-სამი დღით ჩამოსულ ტურისტებს, რომელთა მზერა, როგორც წესი, შენობათა წამახული წვერებისკენ არის მიმართული და თავს გაუმართლებელ განსაცდელში იგდებენ. განსაკუთრებით მძიმე ვითარებაა ზაფხულში, როცა მაღალი ტემპერატურის გამო ძაღლებიც უფრო მეტ დროს ატარებენ ქუჩაში და ექსკრემენტებიც უფრო… ნუ, აღარ გავაგრძელებ, ისედაც ყველაფერი ნათელია…

პრაღაში შეხვდებით მაწანწალა, უსახლკარო ადამიანებს, მაგრამ ვერ ნახავთ მაწანწალა, გაქუცულ ძაღლებს. დაკარგულ ან უპატრონოდ დარჩენილს სპეციალური „ცხელი ხაზით“ გამოძახებული სამსახური მოაკითხავს და მოათავსებს თავშესაფარში, რომელსაც ჩეხები utulek psi-ს ეძახიან. თავშესაფარში შეამოწმებენ, ხომ არ აქვს ძაღლს ჩიპი ან ტატუ, რომლითაც მისი პატრონის ვინაობის დადგენა შეიძლება. ძაღლის მონაცემებს (ფოტოსთან ერთად) პრაღის პოლიციის ვებ-საიტზეც დადებენ, თუ ყველა ცდა უშედეგოდ დასრულდება, დატოვებენ თავშესაფარში, რომელიც ქალაქის მუნიციპალიტეტის კმაყოფაზეა, თუმცა არსებობს კერძო თავშესაფრებიც.

ანუბისის შთამომავლებიპრაღის ქუჩაში გასული უმალ მიხვდებით, რომ ძაღლი საზოგადოების სრულფასოვნი წევრია და, რომ ძაღლის ცხოვრება სულაც არაა „ძაღლური“. ძაღლის ბედი გვაქვსო, პრაღელმა ძაღლებმა უნდა თქვან… თქვან რა, გაიფიქრონ, ლაპარაკით ჯერ ვერ ლაპარაკობენ…

ავტორი: ჯიმშერ რეხვიაშვილი

]]> http://www.mypraha.info/%e1%83%9e%e1%83%a0%e1%83%90%e1%83%a6%e1%83%98%e1%83%a1-%e1%83%ab%e1%83%90%e1%83%a6%e1%83%9a%e1%83%a3%e1%83%a0%e1%83%98-%e1%83%aa%e1%83%ae%e1%83%9d%e1%83%95%e1%83%a0%e1%83%94%e1%83%91%e1%83%90/feed/ 1 პრაღაში ნინო მაჩაიძეს ოპერის ანჯელინა ჯოლი უწოდეს http://www.mypraha.info/%e1%83%9c%e1%83%98%e1%83%9c%e1%83%9d-%e1%83%9b%e1%83%90%e1%83%a9%e1%83%90%e1%83%98%e1%83%ab%e1%83%94-%e1%83%9e%e1%83%a0%e1%83%90%e1%83%a6%e1%83%90%e1%83%a8%e1%83%98/ http://www.mypraha.info/%e1%83%9c%e1%83%98%e1%83%9c%e1%83%9d-%e1%83%9b%e1%83%90%e1%83%a9%e1%83%90%e1%83%98%e1%83%ab%e1%83%94-%e1%83%9e%e1%83%a0%e1%83%90%e1%83%a6%e1%83%90%e1%83%a8%e1%83%98/#comments Wed, 13 Jan 2010 10:50:58 +0000 Kakha Mchedlidze http://www.mypraha.info/?p=4216 12 იანვრამდე პრაღის ქუჩების ბილბორდები გადავსებული იყო ოპერის ქართველი მომღერლის ნინო მაჩაიძის აფიშებით. აფიშების სიმრავლემ თავად მომღერალიც განაცვიფრა. ნინომ კი განცვიფრებული პრაღელები დატოვა. პრაღის საოპერო საზოგადოებამ ნინო მაჩაიძეს “ოპერის ანჯელინა ჯოლიც” კი უწოდა (Angelina Jolieová opery koncertuje v Česku ).

ნინო მაჩაიძემ 12 იანვარს პრაღის მუნიციპალურ სახლში იმღერა. (მოუსმინე)

“მე ბედნიერი ვარ. პირველად ვმღერივარ პრაღაში. ეს ძალიან ლამაზი ქალაქია, ვფიქრობ ერთერთი ყველაზე ლამაზი ქალაქი მთელს მსოფლიოში” – უთხრა “ოპერის ანჯელინა ჯოლიმ” რადიო “თავისუფლებას”

]]> http://www.mypraha.info/%e1%83%9c%e1%83%98%e1%83%9c%e1%83%9d-%e1%83%9b%e1%83%90%e1%83%a9%e1%83%90%e1%83%98%e1%83%ab%e1%83%94-%e1%83%9e%e1%83%a0%e1%83%90%e1%83%a6%e1%83%90%e1%83%a8%e1%83%98/feed/ 3 “ერტონა” – ქართული რესტორანი პრაღაში http://www.mypraha.info/%e1%83%94%e1%83%a0%e1%83%a2%e1%83%9d%e1%83%9c%e1%83%90/ http://www.mypraha.info/%e1%83%94%e1%83%a0%e1%83%a2%e1%83%9d%e1%83%9c%e1%83%90/#comments Sat, 26 Dec 2009 14:21:46 +0000 Kakha Mchedlidze http://www.mypraha.info/?p=4195 ქართული რესტორანი „ერტონა“ პრაღაში მისამართზე Bělehradská 19, Praha 2 – Vinohrady – ში მდებარეობს. ვინც პრაღას კარგად იცნობს, უთუოდ ეცოდინება, რომ ეს უბანი ცენტრიდან, ანუ ტურისტების საყვარელი ადგილიდან “სტარო მესტოდან“ მოშორებით მდებარეობს, თუმცა ამის მიუხედავად რესტორნის მყუდრო გარემოში მოსახვედრად არც დიდი დროა საჭირო და არც – ტრანსპორტის გამოცვლა. მეტროსადგურ „ნამესტი მირუდან“ ამოსულ ქვეითად მოსიარულეს „ერტონაში“ მისასვლელად ათი წუთი დასჭირდება, თუმცა ყველაზე მოსახერხებული #11 ტრამვია, რომლის გაჩერება Nuselské schody რესტორნის კიბიდან 10-15 მეტრში მდებარეობს.

„ერტონა“ სულ რაღაც სამი-ოთხი თვის წინ გაიხსნა და პრაღაში მცხორვებ ქართველებში უკვე დიდი პოპულარობით სარგებლობს. მიუხედავად იმისა, რომ ხშირად მიწევს დიეტის დაცვა, ერთი თვის განმავლობაში უკვე სამჯერ მოვასწარი იქ წახემსება.

ვაჟა ნატროშვილი - რესტორნის მფლობელი და გულითადი მასპინძელი

ტრადიციულ ქართულ კერძებთან ერთად რესტორნის სამზარეულოში ადგილობრივი, ჩეხური კერძებიც მზადდება (შემწვარი იხვი კნედლიკებითა და კომბოსტოს მწნილით, მრავალფეროვანი ძეხვეული, წვნიანი, ტკბილეული და სხვა), თუმცა ქართველებიც, ჩეხებიც, რუსებიც და ყოფილი მოძმე რესპუბლიკების სხვა წარმომადგენლებიც “ერტონას“ უფრო მეტად მწვადის, ხაჭაპურის, ჩაქაფულის, საცივის, ღომისა და ყაურმის დასაგემოვნებლად სტუმრობენ.

შეგიძლიათ შეუკვეთოთ როგორც ღორის, ასევე ცხვრის მწვადი. მუსლიმმა კოლეგამ, რომელიც პირველად სტუმრობდა ქართულ რესტორანს, გაოცება ვერ დამალა, როცა ნამდვილი „შაშლიკის“ ნაცვლად ღორის მწვადს მივეძალე. გავსინჯე, მართლაც არ იყო ურიგო.

აბაზ მეგობარს სუფრაზე მოტანილმა საცივმა გაახსენა გუდაუთელი ბებია, რომელიც საცივისთვის ინდაურს ერთი თვით ადრე ამზადებდა: გადაჰყავდა სიმინდის ფქვლისა და მოხარშული ჯინჭრის გაძლიერებულ, იძულებით კვებაზე, ნიგოზი კი საგულდაგულოდ გადარჩეული, ღიაქარვისფერი უნდა ყოფილიყოო.

განსაკუთრებით გემრიელი, წვნიანი და ნოყიერია ხინკალი (ზომით აშკარად გოლიათური), რომლის გარსი და შიგთავსი ერთნაირად ხარისხიანია, წვენი გაციების შემდეგაც კი არ იქცა ყვითელ, უფორმო მასად.

ცივი კერძებიდან მომეწონა ფხალი, თევზის სალათი (რომელშიც დაქუცმაცებულ ორაგულთან ერთად ნედლი პომიდორი დომინირებდა) და ნიგვზით შეკმაზული ბადრიჯანი. განსაკუთრებით გემრიელი და მადის გამღვიძებელია კომბოსტოს, კიტრისა და ჭახლის მწნილის ასორტი, რომელსაც გვირგვინად ადგას ქამა სოკოს მარინადის მოზრდილი ულუფა.

რესტორანში ძირითადად ქართული ღვინოები, ლიმონათი და მინერალური წყლები აქვთ. ბუნებრივია „ერტონაში“ არყითა და ქაფქაფა ჩეხური ლუდითაც (Pilsner Urquell, Staropranen, Gambrinus,) გაგიმასპინძლდებიან.

რესტორნის მყუდრო გარემოს (გაფორმებულს ფიროსმანის ილუსტრაციებითა და ქართული ფარდაგებით) განსაკუთრებულ ინტიმურობას სძენს ცოცხლად, ზომიერ სიმაღლეზე შესრულებული ქართული სიმღერა, რომლის ჰანგები ხელს არ უშლის სუფრის წევრებთან კომუნიკაციასა და გვერდზე მსხდომთა საუბრის აღქმას.

დამშვიდობებისას გამოველაპარაკე რესტორნის მფლობელს ვაჟა ნატროშვილს, რომელსაც ჩეხეთის გარდა რესტორანი თურმე რუსეთშიც აქვს გახსნილი და – საქართველოშიც. მითხრა, რომ კერძებისათვის საჭირო ინგრედიენტებისა და საკმაზების დიდ ნაწილს საქართველოდან იღებს, რასაც დიდად აფასებენ პრაღაში მცხოვრები ქართველები. ერთმა ჩემმა პრაღელმა მეგობარმა ისიც კი მითხრა, რომ მისთვის ქართული რესტორანი დანაყრებასთან ერთად, სამშობლოში დაბრუნების საშუალებაცააო. აქ მოსულს, თავი ყოველთვის მასპინძელი მგონიაო.

ავტორი: ჯიმშერ რეხვიაშვილი


View Larger Map

]]> http://www.mypraha.info/%e1%83%94%e1%83%a0%e1%83%a2%e1%83%9d%e1%83%9c%e1%83%90/feed/ 1 თევზი და შობა პრაღაში http://www.mypraha.info/%e1%83%97%e1%83%94%e1%83%95%e1%83%96%e1%83%98-%e1%83%93%e1%83%90-%e1%83%a8%e1%83%9d%e1%83%91%e1%83%90-%e1%83%9e%e1%83%a0%e1%83%90%e1%83%a6%e1%83%90%e1%83%a8%e1%83%98/ http://www.mypraha.info/%e1%83%97%e1%83%94%e1%83%95%e1%83%96%e1%83%98-%e1%83%93%e1%83%90-%e1%83%a8%e1%83%9d%e1%83%91%e1%83%90-%e1%83%9e%e1%83%a0%e1%83%90%e1%83%a6%e1%83%90%e1%83%a8%e1%83%98/#comments Tue, 22 Dec 2009 22:25:45 +0000 Kakha Mchedlidze http://www.mypraha.info/?p=4188 საშობაოდ პრაღაში ბევრგან ეწყობა თევზის სახელდახელო ბაზრობები, სადაც ცოცხალ (პირდაპირი გაგებით), უზარმაზარ კობრებს ჰყიდიან. კორლოგრამი 80 მდე კრონი, ანუ დაახლოებით 4,5 დოლარი ღირს. თუ დამატებით 40 კრონსაც გადაიხდით იქვე გამოშიგნავენ და გაასუფთავებენ ლაყუჩების, ქერცლისა და სხვა უვარგისი ნაწილებისგან, რისთვისაც მარჯვე „პრაღელი მეთევზეები“ გამოიყენებენ წმინდა ინკვიზიციის შემდეგ უსარგებლოდ დარჩენილ ხელსაწყოებს: მარწუხებს, დანებსა და ათასგვარ კაუჭებს. ცოცხალი თევზის დამუშავება (ჯერ მოკვლა და მერე მისი დანაწევრება) არაა მსუბუქი სანახაობა. საშობაო სუფრაზე თევზის (ქრისტეს სიმბოლური სახის) მისატანად ჩეხებს ბევრი სისხლის, ლორწოს, ხროტინისა და სპეციფიკური სუნის ატანა უწევთ.თევზი – სიუხვის უძველესი სიმბოლო და ქრისტიანობის ეზოთერული ფორმულა. როდესაც დევნილ ქრისტიანებს ხალხმრავალ ადგილებში სურდათ ერთმანეთისათვის მიენიშნებინათ, რომ ისინი ქრისტიანები იყვნენ, ამისთვის თევზს დახატავდნენ ხოლმე. ბერძნული სიტყვა ΙΧΘΥΣ- იხთის (თევზი), რომელიც ხუთი ასოსაგან შედგება, წარმოადგენს შემდეგი ფრაზის აბრევიატურას „’Ιησόυς Χριστός Θεού ‘Υιός Σοτήρ“( „იისუს ხრისტოს თეოს იმონ სოტირ“). რაც ნიშნავს „იესო ქრისტე, ძე ღვთისა, მაცხოვარი“.

ავტორი: ჯიმშერ რეხვიაშვილი

]]> http://www.mypraha.info/%e1%83%97%e1%83%94%e1%83%95%e1%83%96%e1%83%98-%e1%83%93%e1%83%90-%e1%83%a8%e1%83%9d%e1%83%91%e1%83%90-%e1%83%9e%e1%83%a0%e1%83%90%e1%83%a6%e1%83%90%e1%83%a8%e1%83%98/feed/ 2