სამწუხაროდ ქართული ინტერნეტის სივრცეში ფაქტიურად არ არსებობს ვებგვერდი (გარდა mypraha. ) ჩეხეთისა და მისი მშვენიერი დუდაქალაქის შესახებ. როდესაც აღნიშნული ვებგვერდი აღმოვაჩინე სიამოვნებით გავეცანი მას და დღემდე დიდი სიამოვნებით ვკითხულობ ყველა იმ ინფორმაციას (პოსტი), რომელიც მოგვითხრობს ჩეხეთისა და მისი დედაქალაქის შესახებ.

მოკლედ მოგახსენებთ იმ მიზეზების შესახებ, რამაც მიბიძგა დამეწერა წინამდებარე „პოსტი“. ცოტა ხნის წინ სურვილი გამიჩნდა უფრო ახლოს გავცნობოდი ჩეხურ ენას და მისი გაცნობის შემდეგ გადავწყვიტე შემესწავლა იგი. ინტერნეტის მეშვეობით მოვახერხე მომეძიებინა (გადმოვქაჩე) ჩეხური ენის შემსწავლელი წიგნის ელექტრონული ვერსია.

რა თქმა უნდა ყველაზე კარგია ჩეხეთში წავიდეს ადამიანი და იქ ისწავლოს ენა, მაგრამ სამწუხაროდ არსებობს გარკვეული მიზეზები, რომლებიც მე პირადად ხელს მიშლის. ვინაიდან ძნელია მხოლოდ სახელმძღვანელოდან შეისწავლო ენა, ვცადე თბილისში მომეძებნა ვინმე, ვინც მასწავლიდა ჩეხურ ენას. მიუხედავად ჩემი არაერთგზის მცდელობისა ასეთი პიროვნება ვერ მოვნახე. ჩეხეთის საელჩოშიც ვესაუბრე, მაგრამ ამაოდ.

აღნიშნულიდან გამომდინარე ვებგვერდის ავტორის მისამართით მაქვს სათხოვარი, იქნებ შეიქმნას რაიმე ბლოკი და მოხდეს იმ მასალის მოძიება, გამოქვეყენება, რომელიც მკითხველს მიაწვდიდა ინფორმაციას ჩეხური ენის შესახებ.

აგრეთვე თხოვნით მივმართავ ვებგვერდის ყველა მომხმარებელს, რომ მომაწოდონ იმ პიროვნების ან კომპანიის შესახებ ინფორმაცია, რომელიც თბილისში ასწავლის ჩეხურ ენას.

Be Sociable, Share!

•