ჩეხეთის მორაგბეთა ეროვნული ნაკრების მწვრთნელმა მარტინ კაფკამ იმ 22 მოთამაშის სია დაასახელა, რომლებიც ევროპის ერთა თასზე საქართველოს ეროვნულ გუნდთან მატჩისთვის მოემზადებიან.

ჩეხეთის რაგბის კავშირის ვებ-საიტის ინფორმაციით, მომავალი მატჩი, რომელსაც 29 მარტს, პრაღის ”სლავიას“ სტადიონი უმასპინძლებს და ჩეხ მორაგბეთათვის არაფერს წყვეტს, ”ბორჯღალოსნების“ წინააღმდეგ სათამაშოდ, კაფკამ შემდეგი მოთამაშეები გამოიძახა:

1. – შუსტერი, 2. – ოსვალდი, 3. – ფაიკუში, 4. – ვოვეში, 5. – კურკა, 6. – ნემეჩეკი, 7. – მახაჩეკი, 8. – ბურიანეკი, 9. – სიროვი, 10. – ვოკრუჰლიკი, 11. – როჰლიკი, 12. – კამრდა, 13. – პეკარეკი, 14. – კოდერა, 15. – იურშიკი, 16. – სკალი, 17. – კუტილი, 18. – ჰელერი, 19. – კუჩერა, 20. – ბლაჰა, 21. – ჟირმანი, 22. – რუდოლფი.

ჩეხეთისა და საქართველოს მატჩი შაბათს, ჩეხეთის დროით 15:00 საათზე დაიწყება, მთავარი არბიტრი კი ფრანგი მეთიუ იქნება.

გუნდების პირველ შეხვედრაში, რომელიც შარშან 7 აპრილს თბილისში გაიმართა, ქართველმა მორაგბეებმა მეტოქე 98:3 გაანადგურეს.

”ბორჯღალოსნები“ გამარჯვების შემთხვევაში, პირველ ადგილზე მყოფ რუსეთის ნაკრებს გადაასწრებს, ხოლო ევროპის ერთა თასის 2007-2008 წლის გათამაშების გამარჯვებულს, 12 აპრილს, კრასნოიარსკში, სწორედ რუსი და ქართველი რაგბისტების შეხვედრა დაასახელებს.
სატურნირო მდგომარეობა 27 მარტისთვის

რუმინეთი 10 6 0 4 277-144 22
რუსეთი 8 7 0 1 251-126 22
საქართველო 7 6 0 1 230-79 19
პორტუგალია 9 3 0 6 157-165 15
ესპანეთი 8 3 0 5 192-201 14
ჩეხეთი 8 0 0 8 53-435 8

ერთა თასის 2007-2008 წლის გათამაშების დარჩენილ შეხვედრათა კალენდარი

29 მარტი, შაბათი: ჩეხეთი – საქართველო;
12 აპრილი, შაბათი: რუსეთი – საქართველო;
19 აპრილი, შაბათი: ჩეხეთი – რუსეთი;
26 აპრილი, შაბათი: საქართველო – ესპანეთი;
10 მაისი, შაბათი: ესპანეთი – პორტუგალია.

”ინტერპრესნიუსი“

Be Sociable, Share!

•