თანამედროვე ჩეხური არქიტექტურისა და დიზაინის ერთ-ერთი ნიმუში. ნაწილს არ მოწონს, ნაწილს უცნაურად ეჩვენება, ნაწილს კი ძალიან მოსწონს, ამ უკანასკნელთა შორის ვარ მეც. მომწონს ინჟინრული გადაწყვეტილებისა და დიზაინის გამო. თუ თბილისის ტელეანძა მთაზეა აღმართული და ამით აღწევს სასურველ ეფექტს, ჟიჟკოვის ტელეანძა პრაღის ერთ-ერთ ცენტრალურ რაიონში, ჟიჟკოვში, პირდაპირ საცხოვრებელ სახლებს შორისაა. მიუხედავად ამისა ის პრაღის თითმის ყველა სახურავიდან მოსჩანს და თავად ტელეკოშკიდან პრაღის უმშვენიერესი ხედები იშლება.

ჟიჟკოვის ტელეკოშკის სიმაღლე 216 მეტრს აღწევს. მისი მშენებლობა კომუნისტურ ჩეხოსლოვაკიაში 1985 წელს დაიწყეს და თავისუფალი ჩეხეთის გარიჟრაჟზე 1992 წელს დაასრულეს.

ტელეკოშკი წარმოადგენს სამი მილისგან შემდგარ კონსტრუქციას. მათგან ორი მილი შედარებით დაბალია. მთავარ მილში, რომელიც ყველაზე მაღალია და ანტენის ფუნქციას ასრულებს, მოთავსებულია ორი სწრაფი ლიფტი. მათი საშუალებით შესაძლებელია რესტორანში და ტურისტულ დარბაზში მოხვედრა საიდანაც პრაღა თითქოს ხელის გულზე მოსჩანს. ეს ფოტოებიც სწორედ იქედანაა გადაღებული.

ამ ტელეკოშკის დანახვისთანავე ყველას თვალში ხვდება ჩვილის სკულპტურები, რომლებიც ისეთ შთაბეჭდილებას ქმნიან თითქოს ბავშვები ანძაზე დაძვრებიან ძნელი მისახვედრი არა რის რომ ეს ჩვილებიც დევიდ ჩერნის შემოქმედებაა.